1. gr.

Sjóðurinn heitir Vísindasjóður HM-manna í St.Rv. Heimili sjóðsins og varnarþing er í Reykjavík.

2. gr.

Aðild að sjóðnum eiga þeir félagsmenn í St.Rv., sem greitt er fyrir í sjóðinn.

3. gr.

Markmið sjóðsins er að auka tækifæri sjóðfélaga til framhaldsmenntunar, endurmenntunar, rannsókna og þróunarstarfa. Sjóðurinn greiði styrki til rannsókna- og þróunarverkefna, námskeiðsgjöld, ferða- og dvalarstyrki, styrki vegna námskeiða, sem stéttarfélagið eða einstök fagfélög eða félagshópar standa fyrir, aukaþóknun fyrir óvenju umfangsmikil verkefni, laun á námsleyfistíma og aðstoði sjóðfélaga til endurmenntunar eða á annan hátt samkvæmt ákvörðun stjórnar sjóðsins.

4. gr.

Stjórn St.Rv. skipar stjórn sjóðsins til tveggja ára í senn og skal hún skipuð einum fulltrúa frá stjórn St.Rv. og tveim HM-mönnum. Sjóðsstjórn skiptir með sér verkum og setur sér starfsreglur í samræmi við markmið sjóðsins.

Stjórnin skal halda gerðabók og rita í hana allar samþykktir sínar. Til þess að samþykkt sé lögmæt þarf meirihluti stjórnarmanna að greiða henni atkvæði.

5. gr.

Tekjur sjóðsins eru:

a.    Framlag Reykjavíkurborgar, sem nemi 1.5 % af dagvinnulaunum sjóðfélaga skv. samkomulagi þessu, milli St.Rv.
   og Reykjavíkurborgar.

b.    Vaxtatekjur.

c.    Aðrar tekjur.

Sjóðurinn verði ávaxtaður á þann hátt, sem sjóðsstjórn telur hagkvæmast á hverjum tíma.

6. gr.

Reikningsár sjóðsins skal vera almanaksárið.

Reikningar skulu liggja fyrir í síðasta lagi í lok febrúar ár hvert og skulu þeir endurskoðaðir af til þess kjörnum endurskoðendum.

7. gr.

Reglur þessar eru settar samkvæmt samkomulagi, milli St.Rv. og Reykjavíkurborgar.