Starfsreglur vísindasjóðs HM-manna í St.Rv.

1. gr.

Starfsreglur þessar eru settar á grundvelli samkomulags St.Rv. og Reykjavíkurborgar, sem staðfest var með bréfi frá borgarstjóra,. dags. 24. des. 1991 og “reglna”, sem þar lágu til grundvallar.

2. gr.

Tekjum sjóðsins skal einungis varið í samræmi við markmið hans, sbr. 3. gr. “reglna”.

Óheimilt er að styrkja aðra en þá, er um getur í 2. gr. “reglna”. Fé sjóðsins má ekki ráðstafa þannig að það komi í stað samnings- eða lögbundinna réttinda félagsmanna, sem vinnuveitandi hefur kostað hingað til.

3. gr.

Þeir sem sækja um styrk úr sjóðnum skulu fyrir 1. maí og 1. október ár hvert, senda stjórn sjóðsins umsókn á sérstöku eyðublaði, þar sem fram kemur lýsing á því námi eða verkefni, sem styrkurinn skal renna til, áætlaður kostnaður og námstími, aðrir styrkir og aðrar þær upplýsingar, sem stjórn sjóðsins telur nauðsynlegar. Sjóðsstjórn tekur ákvörðun um styrkveitingar og upphæð styrkja í samræmi við ákvæði 2. greinar.

4. gr.

Ákvarðanir um styrkveitingar skulu liggja fyrir í síðasta lagi 15. maí og 15. október ár hvert.

Ekki skal úthluta styrkjum til sjóðfélaga, sem starfað hafa skemur en 6 mánuði.

5. gr.

Reglur þessar taka gildi frá undirritun og skulu endurskoðaðar innan tveggja ára.

                Gert í febrúar 1992 og mars 1993.