Símenntunaráætlun

Einstaklingsbundin laun vegna símenntunar í kjarasamningum félagsins við Reykjavíkurborg, Faxaflóhafnir, Strætó bs og Orkuveituna.

Einstaklingsbundin laun eru hvatning fyrir starfsmenn til að auka hæfni sína í starfi í samræmi við áætlun um starfsþróun. Einstaklingsbundin laun koma til viðbótar við starfslaun samkvæmt starfsmati og eru viðmið þeirra þrenns konar; starfsþróun, hæfni og árangur.

Launaflokkar vegna starfsþróunar samkvæmt símenntunaráætlun stofnunar.
Gert er ráð fyrir að hver stofnun/fyrirtæki setji fram símenntunaráætlun fyrir alla starfsmenn í starfsáætlun sinni í starfsmannamálum til að tryggja eðlilega starfsþróun og símenntun starfsmanna í samræmi við starfsmannastefnu Reykjavíkurborgar. Starfsmaður, sem tekur virkan þátt í símenntunaráætlun, á rétt á hærri launum en ella. Forsenda launaflokka­hækkunar þessarar er staðfest þátttaka starfsmanns í símenntunaráætlun stofnunar/fyrirtækis. Þessi laun geta breyst. Launaflokkar samkvæmt ofan­greindu geta verið alls sex skv. eftirfarandi:

• Eftir 1 ár í starfi hjá Reykjavíkurborg    Röðun einum launaflokk ofar en ella.
• Eftir 3 ár í starfi hjá Reykjavíkurborg    Röðun einum launaflokk ofar en ella.
• Eftir 5 ár í starfi hjá Reykjavíkurborg    Röðun einum launaflokk ofar en ella.
• Eftir 7 ár í starfi hjá Reykjavíkurborg    Röðun einum launaflokk ofar en ella.
• Eftir 9 ár í starfi hjá Reykjavíkurborg    Röðun einum launaflokk ofar en ella.
• Eftir 12 ár í starfi hjá Reykjavíkurborg  Röðun einum launaflokk ofar en ella.

Hafi starfsmaður fengið launa­flokk/a vegna virkrar þátttöku í símenntunaráætlun stofnunar en sinnir ekki lengur þeirri skyldu án lögmætra forfalla missir hann þann/þá ­launaflokk/a er hann hefur fengið. Áður en til þess getur komið ber yfirmanni að greina starfsmanni frá að hann muni missa þennan rétt ef hann bæti ekki virkni sína skv. símenntunaráætlun og ber að útskýra fyrir starfsmanni hvernig hann getur bætt sig. Starfsmaður getur óskað eftir að trúnaðarmaður sé viðstaddur slíkt samtal.

 

---