Fréttir

Nýstofnaður kór borgarstarfsmanna

Í tilefni síðasta fulltrúaráðsfundar St.Rv. á áttatíu ára afmælisári félagsins var haldin sérstök hátíðardagskrá 14. desember síðastliðinn. Boðið var upp á glæsilegt jólahlaðborð og fulltrúaráðsmeðlimir fengu jólagjafir frá félaginu. Vilhjálmur Þ. Vilhjálmsson borgarstjóri og Ögmundur Jónasson, formaður BSRB, ávörpuðu samkomuna. Nýstofnaður kór borgarstarfsmanna, Borgarkórinn, flutti jólalög við góðar undirtektir og ekki síður söngkonan Magga Stína sem söng sig inn í hug og hjörtu viðstaddra með flutningi á lögum meistara Megasar.

Starfsmannafélag Reykjavíkurborgar boðar til auka aðalfundar þriðjudaginn 5. desember 2006, kl. 20.30, að Grettisgötu 89, 1.hæð. Fundurinn er haldinn í tilefni þess að Starfsmannafélag Akraness hyggst sameinast Starfsmannafélagi Reykjavíkurborgar í upphafi næsta árs.

Félagar í Starfsmannafélagi Akraness greiddu atkvæði um hvort félagið ætti að sameinast Starfsmannafélagi Reykjavíkurborgar. Atkvæðagreiðslan fór fram dagana 30. nóv. og 1. des. sl. Á kjörskrá voru 319. Atkvæði greiddu 130 eða 40% félagsmanna.  Niðurstaða atkvæðagreiðslu var að JÁ sögðu 116 eða 89%,  NEI sögðu 12 eða 10,8%, 2 seðlar voru auðir.  Auka aðalfundur hefur verið boðaður hjá Starfsmannafélagi Reykjavíkurborgar á þriðjudaginn 5. desember þar sem það þarf að breyta lögum félagsins þannig að Starfsmannafélagi Akraness geti sameinast St.Rv. 1. janúar 2007.  

Jafnréttislög sem verkfæri til launajöfnunar - hádegisfróðleikur
- Eru möguleikar karla og kvenna á vinnumarkaði þeir sömu?
Næstkomandi fimmtudag, 30. nóvember milli kl. 12 og 12:50 verður hádegis-verðarfróðleikur í BSRB húsinu um jafnréttismál í boði  Starfsmannafélags Reykjavíkurborgar og SFR. Skráning á jakobina@strv.bsrb.is eða í síma 525-8330.

Í kjarasamningi er kveðið á um að greiða skuli desemberuppbót 1. desember. Í kjarasamningi við Reykjavíkurborg, Strætó bs., Orkuveituna og Faxaflóhafnir er desemberuppbót fyrir árið 2006 46.000 krónur. Í samningu við fjármálaráðuneytið er upphæðin 40.700 krónur.

Ráðstefna um Málefni eldri starfsmanna var haldin föstudaginn 17. nóvember sl. í Tjarnarsal Ráðhúss Reykjavíkur. Ráðstefna var haldin sameiginlega af samninganefnd Reykjavíkurborgar og Starfsmannafélagi Reykjavíkurborgar til heiðurs Sjöfn Ingólfsdóttur, fyrv. formanni Starfsmannafélags Reykjavíkurborgar. Mörg áhugaverð erindi voru flutt á ráðstefnunni.

Á fulltrúaráðsfundi sem haldinn var 15. nóvember sl.  fjallaði Páll H. Hannesson um herferð EPSU um almannagæðaþjónustu sem þing BSRB samþykkti að taka þátt í.
Þetta athyglisverða erindi vakti upp margar spurningar á fundinum og urðu umræður miklar.

41. þing BSRB verður haldið dagana 25. til 27. október á Grand Hóteli í Reykjavík. Þingsetning er kl. 13.00 miðvikudaginn 25. október. Þing BSRB eru haldin þriðja hvert ár. Á þinginu er stefna bandalagsins til næstu þriggja ára mótuð en þingfulltrúar eru um 220 talsins. Þá er kosið í framkvæmdanefnd BSRB en hana skipa formaður, tveir varaformenn, gjaldkeri og ritari.

Starfsmannafélag Reykjavíkurborgar ásamt SFR býður upp á námskeið og fyrirlestra á haustönn fyrir félagsmenn. Fyrirlestrar í hádegi er nýjung að þessu sinni en þeir eru haldnir þriðja föstudag í hverjum

Unnið er að gerð nýrra félagsskírteina, en nú þegar eru skírteinin útrunnin, það var hinsvegar óheppilegur tími sem þau runnu út á þar sem erfitt var að ná í eigendur og rekstraraðila sem höfðu veitt okkur afslátt. Því var...

Starfsmannafélag Reykjavíkurborgar fagnar þeirri ákvörðun, sem tekin var í stjórn Orkuveitu Reykjavíkur í gær að falla frá þeim umfangsmiklu framkvæmdum sem fyrirhugaðar voru á Úlfljótsvatni. Félagið hefur um árabil haft aðgang að víðfemu svæði fyrir orlofshús félagsins sem stóð til að þrengja verulega að. Sjá einnig yfirlýsingu sem send hefur verið út af hópi fólks sem lætur sig náttúru og lífríki Úlfljótsvatns varða.

Frá undirritun samkomulagsins. Frá vinstri: Garðar Hilmarsson formaður Starfsmannafélags Reykjavíkurborgar, Kristín Á. Guðmundsdóttir formaður Sjúkraliðafélags Íslands, Árni Stefán Jónsson formaður SFR, Ögmundur Jónasson formaður BSRB, Jóhanna Arnórsdóttir framkvæmdastjóri Framvegis, Sölvi Sveinsson skólameistari Verzlunarskólans og Helgi Jóhannsson formaður stjórnar Verzlunarskólans.

Nú er stofnanasamningur fyrir stærsta hluta félagsmanna á LSH í höfn.
Endurskoðun  stofnanasamninga hefur farið fram, samið um í kjarasamningi að taka upp nýja og breytta launatöflu frá og með 1. maí sl. Í öllum tilvikum er nýr samningur afturvirkur frá 1. maí sl. og sú regla er algild að enginn skuli lækka í dagvinnulaunum við yfirfærsluna. Gengið hefur verið frá vörpun yfir í nýja launatöflu fyrir háskólamenn á sama samningi.

Ekki ráðum við veðurguðunum. Það sannaðist í gær. Svo mikla þoku gerði þá á Genfarflugvelli að flugumferð þar tafðist með þeim afleiðingum að þeir Alan Leather og Jürgen Buxbaum, sem

Enn er verið að selja gistimiða á Eddu hótelin sem eru staðsett víðsvegar um landið. Hver miði gildir fyrir tveggja manna herbergi með handlaug og kostar  4.200 kr. fyrir herbergið.

Það eru nokkur orlofshús laus á næstu vikum. Sérstaklega á það við um  Úlfljótsvatn og Munaðarnes. Húsin eru öll með heitum pottum. Nánari upplýsingar á skrifstofu félagsins í síma 525-8330.

Atkvæðagreiðsla um kjarasamning félagsins við Orkuveituna lauk um hádegi 16. maí. Niðurstaðan er eftirfarandi: Á kjörskrá voru 217. Atkvæði greiddu 108  eða 49 %. Já sögðu 91 eða 85%. Nei sögðu 15  eða 14.8 %. Auðir/ógildir 2.

Í dag voru undirritaðir kjarasamningar við Launanefnd sveitarfélaga vegna starfsmanna hjá Slökkviliði höfuðborgarsvæðisins og við Félagsbústaði hf. Samningar við Félagsbústaði voru bornir undir atkvæði félagsmanna

LEB, ASÍ, BSRB, SGS, Samiðn og Öryrkjabandalag Íslands efna til Ráðstefnu um Skatta og Skerðingar 3. maí 2006, kl. 13:00 til 16:00 í Öskju, Náttúrufræðistofnun Háskóla Íslands.

Starfsmannafélag Reykjavíkurborgar mun eins og síðustu ár selja miða á Eddu hótelin í sumar á niðurgreiddu verði. Sala miða hefst 1. júní nk. Hver miði gildir fyrir tvo í gistingu í tveggja manna herbergi með handlaug í eina nótt á 4.200 kr. stk.  Ekki er innifalin morgunverður

Dagskrá Fulltrúaráðs verkalýðsfélaganna í Reykjavík verður með þeim hætti að safnast verður saman á Hlemmi kl. 13.00. Gangan leggur af stað kl. 13.30.  Lúðrasveit verkalýðsins og Lúðrasveitin Svanur leika fyrir göngu. Gengið verður niður Laugaveg, Bankastræti, Austurstræti og inn á Ingólfstorg. Útifundur á Ingólfstorgi hefst kl. 14.10. og áætlað að honum ljúki kl. 15.00.

Vísindasjóður styrkir félagsmenn með háskólamennun til framhalds- og endurmenntunar og  rannsókna- og þróunarstarfa. Stjórn sjóðsins úthlutar úr honum tvisvar sinnum á ári, í maí og október. Umsóknarfrestur fyrir vorúthlutun er 1. maí.

Frestur til þess að sækja um orlofshús og íbúðir í sumar er til 3. aríl. Félagið leigir hús í Munaðarnesi, á Úlfljótsvatni, Eiðum, Aðaldal og Illugastöðum og svo eru íbúðir á Akureyri og í Súðavík.

Félagsmálaskóli alþýðu heldur námskeiðið Starfsmannamál og mannauðsstjórnun 26. apríl að Grensásvegi 16a, 108 Reykjavík. Námskeiðið stendur í einn dag frá kl. 9 til 16 og er Gylfi Dalmann Aðalsteinsson leiðbeinandi.

nefnist fyrirlestur sem  Dr. Hilmar J. Malmquist líffræðingur og forstöðumaður Náttúrufræðistofu Kópavogs flytur í dag þriðjudaginn 22. mars klukkan 17-18 fyrir félagsmenn í SFR og Starfsmannafélagi Reykjavíkurborgar

Fulltrúaráðsfundur Starfsmannafélags Reykjavíkurborgar verður haldinn á fimmtudaginn 23. mars nk. kl. 14. Fundurinn er ætlaður öllum fulltrúum félagsins og trúnaðarmönnum. Meðal efnis á fundinum er að Erna Guðmundsdóttir lögfræðingur BSRB mun flytja erindi um túlkun kjarasamninga.

Í dag, þriðjudaginn 7. mars kl. 16:30 heldur Lilja Mósesdóttir fyrirlestur að Grettisgötu 89, 4 . hæð. Fyrirlesturinn fjallar um launajafnrétti, mælingar, skýringar og aðgerðir. Hún, mun gera grein fyrir niðurstöðum norræna verkefnisins Mælistikur á launajafnrétti.

Fasteignamat ríkisins (FMR) tók á síðasta ári upp eigin reglur varðandi reglur og leiðbeiningar um öryggi í upplýsingatækni. Þar áskilur Fasteignamatið sér m.a. rétt til að skrá notkun á internetinu í þeim tilgangi að fylgjast með að reglum þessum sé fylgt og til að tryggja sem hagkvæmasta notkun netsins auk þess sem allur tölvupóstur sem sendur er í póstkerfi stofnunarinnar sé eign hennar og henni heimilt að skoða hann. Eftir ósk SFR fór BSRB yfir þessar reglur með tilliti til reglna um persónuvernd starfsmanna. Þá sendi BSRB erindi til Persónuverndar vegna þessara reglna og nú hefur Persónuvernd sent Fasteignamatinu leiðbeiningar þar sem bent er á að ýmislegt í þessum reglum þurfi að lagfæra.

Kjarasamningur hefur verið undirritaður við Launanefnd sveitarfélaga vegna starfsmanna hjá Innheimtustofnun sveitarfélaga. Gildistími samningsins er frá 1. desember 2005 til 30. nóvember 2008. Kjarasamningurinn var kynntur á fundi í á þriðjudaginn 7. febrúar og samþykktur með öllum atkvæðum.

Starfsmannafélagið bauð fulltrúum frá Fjölsmiðjunni og Barna- og unglingageðdeild auk starfsmanna í félagamiðstöðinni á Grettisgötu og stjórn félagsins til kaffisamsætis á afmælisdaginn. Sjöfn Ingólfsdóttir afhenti fulltrúum frá Fjölsmiðjunni og BUGL gjafabréf frá félaginu. Fjölmargir hafa sent félaginu heillaóskir á 80 ára afmælinu.

Starfsmannafélag Reykjavíkurborgar var stofnað 17. janúar 1926 og er því 80 ára um þessar mundir. Stjórn og fulltrúaráð félagsins hefur ákveðið að minnast þessara merku tímamóta með ýmsum hætti. Viðamesta framtak félagsins í tilefni afmælisins verður að styðja við bakið á starfsemi í þágu barna og ungs fólks með fjárframlögum. Barna- og unglingageðdeild LSH mun njóta góðs af framtakinu og einnig Fjölsmiðjan í Kópavogi en hún starfrækir, með meiru, verkþjálfunar- og framleiðslusetur fyrir ungt fólk á aldrinum 16-24 ára. Þá munu stjórn og fulltrúaráð efna til nokkurra viðburða á afmælisárinu fyrir félagsmenn og velunnara félagsins.

Atkvæðagreiðsla um kjarasamning Starfsmannafélags Reykjavíkurborgar við Strætó bs. fór fram í kjölfar kynningafunda. Kjarasamningurinn var samþykktur  með 99% greiddra atkvæða. Eitt atkvæði á móti og eitt autt. Á kjörskrá voru  224 einstaklingar en 154 tóku þátt í atkvæðagreiðslu um kjarasamninginn.

Kynningafundur var haldinn í gær mánudaginn 9. janúar með félagsmönnum sem starfa hjá Faxaflóahöfnum. Í kjölfar kynningar var samningurinn borinn undir atkvæði. 67% félagsmanna tóku þátt í atkvæðagreiðslu um samninginn og var hann samþykktur með öllum atkvæðum.

Fyrir stundu var undirritaður fyrsti sjálfstæði kjarasamningurinn við Strætó bs. Kjarasamnigurinn er í  flestu sambærilegur við kjarasamnning sem félagið gerði við Reykjavíkurborg. Kynning á kjarasamningnum fer fram á miðvikudaginn 11. janúar, kl. 10 og 20 að Grettisgötu 89, 4. hæð og verða greidd atkvæði um hann  að lokinni kynningu.