Símenntunaráætlanir

Gert er ráð fyrir, í kjarasamningi við Reykjavíkurborg, að hver stofnun/fyrirtæki setji fram símenntunaráætlun fyrir alla starfsmenn í starfsáætlun sinni í starfsmannamálum til að tryggja eðlilega starfsþróun og símenntun starfsmanna í samræmi við starfsmannastefnu Reykjavíkurborgar. Starfsmaður, sem tekur virkan þátt í símenntunaráætlun, á rétt á hærri launum en ella. Forsenda launaflokkahækkunar þessarar er staðfest þátttaka starfsmanns í endurmenntunaráætlun stofnunar/fyrirtækis.  

Hæfnislaun a) byggja á því að starfsmaður fylgi símenntunaráætlun stofnunar. Hæfnislaun geta breyst. Hæfnislaunaflokkar vegna símenntunar geta verið alls fjórir 1 lfl. eftir 1 ár í starfi, 2 lfl. eftir 5 ár í starfi, 3 lfl. eftir 10 ár í starfi og 4 lfl. eftir 15 ár í starfi hjá Reykjavíkurborg.