26 mar. 2018

STOFNUN ÁRSINS - ÞÍN KÖNNUN

Nú fer hver að verða síðastur að taktu þátt í könnun félagsins sem Gallup sendir til félagsmanna. Þetta er þín könnun láttu þig starfsumhverfi þitt varða og taktu þátt.

Nú stendur yfir könnun St.Rv. um stofnun ársins borg og bær og launakönnun, en hún hefur verið send út til allra félaga rafrænt í tölvupósti. Félagsmenn eru hvattir til að svara henni eins ítarlega og þeir geta. Niðurstöðurnar gefa okkur góðar upplýsingar um stöðuna úti á stofnunum, um líðan starfsfólk auk þess að gefa upplýsingar um launaþróun. Þær stofnanir sem fá bestu einkunn frá félagsmönnum hljóta síðan titlana Stofnun ársins og Fyrirmyndarstofnun.  Í þeim hluta sem fjallar um launakjör þurfa starfsmenn að hafa launaseðilinn sinn við höndina. Á sama tíma og St.Rv. gerir könnunina eru SFR og VR að láta gera sambærilega könnun og það gefur okkur tækifæri til samanburðar við bæði ríkisstarfsmenn og almenna markaðinn.

Ef þú finnur ekki könnunina er gott að kíkja í ruslpósthólf og önnur hólf sem fjölpóstur getur lent í eins og „other“ eða "Clutter" mappan sem er í sumum tölvupóstforritum. Sendur er póstur á það netfang sem félagsmaður hefur gefið upp til félagsins.  Þeir sem hafa verið í félaginu í 4 mánuði og eru í starfshlutfalli eiga að hafa fengið könnunina. Ef ekkert finnst skaltu senda tölvupóst á jakobina@strv.is með kennitölu og netfangi sem þú vilt fá könnunina senda á.