12 mar. 2019

Eitt orlofskerfi fyrir alla félagsmenn Sameykis í vinnslu

Nú er unnið að því að setja upp eitt orlofskerfi fyrir íbúðir, orlofshús, gjafabréf og fleira þannig að allir félagsmenn Sameykis hafi aðgang að öllum orlofseignum fyrrum SFR og St.Rv. Orlofskerfið sem varð fyrir valinu heitir Frímann og er það sama og St.Rv. var með fyrir sameiningu. Töluverð vinna er á bak við það að koma öllum eignum sem SFR átti inn í Frímann þannig að ekki er enn hægt að sjá þær eignir þar inni, en unnið er að því hörðum höndum til að allt verði tilbúið þegar orlofsblaðið berst félagsmönnum seinnipartinn í mars. Miðað er við að sumarúthlutun fari fram um miðjan apríl.

Búið er að setja Spán inn í Frímann þannig að allir félagsmenn Sameykis geta nú sótt um sumarúthlutn á Spáni þar í gegn, sjá frétt hér. Frímann er nú aðgengilegur á forsíðu www.sfr.is á sérstökum innskráningarhnappi (grár á lit) sem er við hliðina á innskráningarhnappi fyrir Mínar síður. Einnig er hægt að bóka þar orlofshús sem tilheyrðu áður St.Rv., versla gjafabréf og fleira.

Nauðsynlegt er að hafa gamla orlofsvef SFR aðgengilegan eitthvað áfram og er þá farið í gegnum Mínar síður SFR, orlofsvefur. Þar verður hægt að nálgast kvittanir fyrir þá sem hafa nú þegar bókað hús á vormánuðum. Einnig verður áfram hægt að bóka þar hús fyrrum SFR þar til kemur að formlegum flutningi eignanna yfir í Frímann, en þá lokast fyrir bókanir á gamla vefnum.

Stefnt er að því að félagsmenn verði fyrir sem minnstu raski við þennan flutning yfir í eitt sameiginlegt kerfi, en ekki verður hjá því komist að hafa báða vefina opna núna á vormánuðum til að klára afgreiðslu þess sem hefur nú þegar verið bókað á gamla orlofsvef SFR.

orlofsvefur.jpg

  • Tvær leiðir að Frímanni fyrir félagsmenn Sameykis:

    • Í gegnum www.strv.is (orlofsmál – orlofsvefur), flýtileiðarhnappur lítur svona út, þegar smellt er á hann birtist forsíða Frímanns fyrir St.Rv. og þar þarf að fara í innskráningu efst í hægra horni:

    • Í gegnum www.sfr.is þá lýtur innskráningarhnappur svona út, efst við hliðina á Mínar síður hnapp, þegar smellt er á hann birtist innskráningarhnappur sem smellt er á og þá er hægt að velja um að nota Íslykil eða rafræn skilríki :

Opið fyrir umsóknir um orlofshús á Spáni í sumar

Sameyki á nú þrjár eignir á Spáni. Eitt 150 fermetra parhús við Samara í Quesada, Penthouse íbúð við Los Arenales ströndina og síðan eina íbúð á fyrstu hæð í sama húsi.

Hægt er að sækja um sumarúthlutun í orlofsíbúðirnar á Spáni fram til miðnættis 26. mars næstkomandi hér á Orlofsvef. Aðgangur á nýja orlofsvefinn er beint af forsíðu www.sfr.is, við hliðina á hnappnum Mínar síður. Til að komast inn á bókunarvef þarf rafræn skilríki eða Íslykil.

  • Umsóknarfrestur til miðnættis 26. mars
  • Úthlutað er 27. mars.
  • Úthlutunartímabilin verða frá 24. maí til 30. ágúst.
  • Ein vika per félagsmann.
  • Skiptidagar eru föstudagar.
  • Verðið á viku er frá 55.000 - 65.000 ásamt 40 punktum.

Félagar í Lífeyrisdeild geta ekki sótt um Spán á þessum tíma, en hafa sama rétt og aðrir utan úthlutunartíma.