06 jún. 2019

Kjaraviðræður

Heilmiklar viðræður hafa verið á gangi milli BSRB og samninganefnda ríkisins, Reykjavíkurborgar og Sambands íslenskra sveitarfélaga.

Þar eru fulltrúar Sameykis Árni Stefán Jónsson formaður Sameykis og Garðar Hilmarsson varaformaður Sameykis og 1. varaformaður BSRB.  Umræður um styttingu vinnuvikunnar hafa tekið mikinn tíma. Einnig hefur verið fjallað um launaskriðstrygginguna og jöfnun launa á milli almenna og opinbera markaðarinns.

 

Viðræðunefndir samninganefnda Sameykis hafa á síðustu dögum átt í viðræðum við  Reykjavíkurborg, Samband íslenskra sveitarfélaga, Isavia, Fríhöfnin og Orkuveituna. Fundað verður á morgun með fulltrúum frá ríkinu.  Þrátt fyrir þessar viðræður, þá sér engan vegin fyrir endann á þeim, þar sem enn ber  mikið á milli aðila.