LAUNAKÖNNUN 2016

Launakönnun St.Rv. lítur nú dagsins ljós í sjötta sinn í röð. Félagið fól Gallup vinnslu könnunarinnar, en félagsmenn voru spurðir um laun sín í febrúar 2016.  SFR og VR eru einnig með launakannanir sem unnar eru af Gallup og birta þau sínar kannanir sem eru samanburðarhæfar við könnun St.Rv. á svipuðum tíma. 

Frá 2015 til 2016 hækkuðu heildarlaun félagsmanna St.Rv. um 8,5% en grunnlaun um 10,5%, samkvæmt niðurstöðum launakönnunar félagsins.

Hækkun á launavísitölu er 9,4% frá janúar 2015 til janúar 2016 samkvæmt Hagstofu Íslands.

Markmið könnunarinnar var tvíþætt. Í fyrsta lagi að kanna kjör félagsmanna og samsetningu launa og í öðru lagi að meta hvort kynbundinn launamunur sé fyrir hendi og hversu mikill hann er. Hringt var í félagsmenn úr St.Rv. og þeim boðið að taka þátt í könnuninni á netinu. Ef félagsmaður samþykkti þátttöku, var netfang hans tekið niður og könnunin send á netfangið. Ef netfang var fyrirliggjandi var könnunin send beint á það. Ef ekki náðist í félagsmenn eða þeir voru bannmerktir þá var sent bréf sem innihélt slóð og lykilorð að könnuninni. Félagsmenn þurftu þá einungis nettengda tölvu til að geta svarað.