LAUNAKÖNNUN 2017

Launakönnun St.Rv. lítur nú dagsins ljós í áttunda sinn. Félagið fól Gallup vinnslu könnunarinnar, en félagsmenn voru spurðir um laun sín í janúar 2017.  SFR og VR eru einnig með launakannanir sem unnar eru af Gallup og birta þau sínar kannanir sem eru samanburðarhæfar við könnun St.Rv. á svipuðum tíma. 

Frá 2016 til 2017 hækkuðu heildarlaun félagsmanna St.Rv. um 7,4% en grunnlaun um 7,8%, samkvæmt niðurstöðum launakönnunar félagsins. Kjarasamningbundnar hækkanir í júní voru 6-6,5% en höfðu verið 7,7-8% þar á undan.

Félagið lætur gera sérstaka skýrslu vegna félagsmanna hjá Reykjavíkurborg. Í henni kemur fram að kynbundinn launamunur hjá Reykjavíkurborg er í sögulegu lágmarki.

kynbund2.jpg

Markmið könnunarinnar var tvíþætt. Í fyrsta lagi að kanna kjör félagsmanna og samsetningu launa og í öðru lagi að meta hvort kynbundinn launamunur sé fyrir hendi og hversu mikill hann er. Hringt var í félagsmenn úr St.Rv. og þeim boðið að taka þátt í könnuninni á netinu. Ef félagsmaður samþykkti þátttöku, var netfang hans tekið niður og könnunin send á netfangið. Ef netfang var fyrirliggjandi var könnunin send beint á það. Ef ekki náðist í félagsmenn eða þeir voru bannmerktir þá var sent bréf sem innihélt slóð og lykilorð að könnuninni. Félagsmenn þurftu þá einungis nettengda tölvu til að geta svarað.