Stofnun Ársins Borg og Bær 2017

Niðurstöður úr könnuninni um valið á Stofnun ársins - Borg og bær 2017 voru kynntar, miðvikudaginn 10. maí. Félagsmenn St.Rv. velja nú „Stofnun ársins – Borg og Bær“ í sjötta sinn. Stærsti hópur félagsmanna St.Rv. starfar hjá Reykjavíkurborg en auk þess starfa félagsmenn hjá fyrirtækjum Reykjavíkurborgar, Akraneskaupstað, Seltjarnarneskaupstað, ríki og fleirum.

Val á Stofnun ársins og Fyrirtæki ársins er samvinnuverkefni SFR stéttarfélags, VR. og St.Rv. auk fjármálaráðuneytisinsins sem tekur þátt í könnuninni fyrir alla ríkisstarfsmenn.

Könnunin er stærsta reglulega vinnumarkaðskönnun sem framkvæmd er hér á landi og gefur mikilvægar upplýsingar um stöðu starfsmanna  á vinnumarkaði. VR hefur útnefnt Fyrirtæki ársins í rúm 20 ár og SFR hefur staðið fyrir vali á Stofnun ársins síðastliðin 11 ár. Með því að taka þátt í þessu samvinnuverkefni þá gefst St.Rv. tækifæri til að bera saman viðhorf félagsmanna sinna og félagsmanna VR og SFR.

Samanburð á einkunnagjöf milli félaga má finna hér

Af hverju Stofnun ársins - Borg og bær?

Könnun sem þessi gefur góða mynd af starfsumhverfi og starfsánægju starfsmanna stofnunar/fyrirtækis. Starfsmenn geta notað niðurstöðurnar til að meta eigin vinnustað í samanburði við aðrar stofnanir og fyrirtæki. Einnig er hér ekki síður tækifæri fyrir stjórnendur að gera sér grein fyrir stöðu starfsmannamála í stofnuninni og hvar þeir standa í samanburði við aðra. Það er mikilvægt að stjórnendur taki niðurstöðunum með jákvæðu hugarfari og horfi fyrst og fremst á þessa úttekt sem mikilvægt skref til að hlúa að því sem vel er gert og bæta og breyta því sem betur má fara í starfinu.

Í könnun St.Rv. á Stofnun ársins - Borg og bær er leitað eftir viðhorfi félagsmanna til vinnu sinnar og yfirmanna, líðan þeirra í starfi, starfsumhverfi, tækjabúnað og hvernig samskiptum er háttað á vinnustaðnum. 35 stofnanir komust á lista í ár og er ástæðan fyrst og fremst sameining stofnana, t.a.m. voru þær frístundamiðstöðvar sem lentu í 1. og 2. sæti í fyrra sameinaðar í eina. ÍTR er skráð sem einn vinnustaður en í fyrra hafnaði Skrifstofa Íþrótta- og tómstundasviðs Reykjavíkur í 1. sæti í flokki minni stofnana.


Stórar stofnanir – með allt að 50 starfsmenn eða fleiri

Stofnun-arsins-2017_StRv.jpg

1sæti – Fstundamiðstöðin Tjörnin

Einkunn: 4,39

Frístundamiðstöðin Tjörnin varð til með sameiningu frístundamiðstöðvanna Kamps sem lenti í 1. sæti í þessum flokki í fyrra og Frostaskjóls sem lenti í 2. sæti í fyrra.   

Tjörnin sér um 13 starfseiningar, 5 félagsmiðstöðvar og 7 frístundaheimili í Vesturbæ, Miðborg og Hlíðum ásamt rekstri á miðlægri stjórnsýslu fyrir borgarhlutann í frístundamálum.

Fyrirmyndarstofnun-2017_StRv.jpg

2. sæti –Frístundamiðstöðin Gufunesbær

Einkunn: 4,37

Frístundamiðstöðin Gufunesbær var stofnuð haustið 1998. Gufunesbær hefur m.a. umsjón með öllum sjö félagsmiðstöðvunum í Grafarvogi, átta frístundaheimilum við alla grunnskóla í Grafarvogi ásamt því að reka frístundaklúbb fyrir fötluð ungmenni á aldrinum 10-16 ára.

Fyrirmyndarstofnun-2017_StRv.jpg

3. sæti - Orkuveita Reykjavíkur

Einkunn: 4.29 

Orkuveita Reykjavíkur sef. er móðurfyrirtæki í samstæðu orku- og veitufyrirtækja. Dótturfyrirtæki OR eru VeiturOrka náttúrunnar og Gagnaveita Reykjavíkur.


Minni stofnanir – með allt að 49 starfsmönnum

Stofnun-arsins-2017_StRv.jpg

1. sæti – Leikskólinn Vallarsel á Akranesi

Einkunn 4.76

Vallarsel er elsti starfandi leikskólinn á Akranesi starfssemi hans hófst árið 1979. Leikskólinn hefur verið í efstu sætum í stofnun ársins frá upphafi þátttöku.


Fyrirmyndarstofnun-2017_StRv.jpg

2. sæti - Fjárhags- og stjórnsýslusvið Seltjarnarness

Einkunn: 4.53

Fjárhags- og stjórnsýslusvið Seltjarnarnes hefu umsjón og eftirlit með fjármálalegri starfsemi bæjarins ásamt að hafa umsjón með þróunarmálum og upplýsingatækni.

Fyrirmyndarstofnun-2017_StRv.jpg

3. sæti - Íþrótta- og tómstundarsvið Seltjarnarness

Einkunn: 4.53

Íþrótta- og tómstundasvið nær yfir málefni íþrótta-,tómstunda- og æskulýðsmála Seltjarnarness og hefur umsjón með íþróttamannvirkjum sem eru sundlaug, íþróttahús og knattspyrnuvellir og félagsmiðstöð

Hástökkvari - hækkar sig mest milli ára

Hastokkvari-arsins-2017_StRv.jpg

Listasafn Reykjavíkur


Töflur með niðurstöðum:

Niðurstöður úr launakönnunar hluta verða kynntar í september.