Um félagið

vor 2016 082.JPG 

Frá upphafi hefur helsta verkefni St.Rv. verið að berjast fyrir bættum kjörum og atvinnuöryggi félagsmanna.

Á sama tíma hefur baráttan fyrir margs konar réttindamálum einkum farið fram á vettvangi heildarsamtakanna, BSRB.

Félagið var stofnað 17. janúar 1926 og voru stofnfélagar 68, þar af einungis þrjár konur. Þessir starfsmenn Reykjavíkurbæjar gengdu margvíslegum störfum, voru lögregluþjónar, hreinsunar- og gasmenn, gjaldkerar og skrifarar svo eitthvað sé nefnt.

Tímarnir hafa breyst og margar stéttir sem áður tilheyrðu St.Rv. hafa stofnað eigin fagfélög, s.s. slökkviliðsmenn, sjúkraliðar, þroskaþjálfar og leikskólakennarar. En þjónusta borgarinnar hefur að sama skapi aukist og íbúum fjölgað í dag eru félagsmenn St.Rv. tæplega fimm þúsund, en um 600 þeirra eru eftirlaunaþegar.
Ekki þarf að sækja sérstaklega um félagsaðild, ef starfsmenn eru ráðnir á kjarasamning St.Rv. en þagar starfsmenn ljúka störum og fara á eftirlaun þurfa þeir að sækja um aðild.

Árið 2007 sameinuðust St.Rv. og Starfsmannafélag Akraness. Í upphafi árs 2013 sameinaðist Starfsmannafélag Seltjarnarness og St.Rv. undir nafni Starfsmannafélags Reykjavíkurborgar.

Viðsemjendur félagsins í dag eru auk Reykjavíkurborgar; Strætó bs., Orkuveitan sf, Faxaflóahafnir sf, Fjármálaráðuneytið f.h. ríkissjóðs, Akraneskaupstaður, Seltjarnarnesbær, Félagsbústaðir, Innheimtustofnun Sveitarfélaga og Slökkvilið höfuðborgarsvæðisins.