Stofnun ársins 2016

Stofnun Ársins - Borg og Bær 2016

Niðurstöður úr könnuninni um valið á Stofnun ársins - Borg og bær 2016 voru kynntar, fimmtudaginn 12. maí. Félagsmenn St.Rv. velja nú „Stofnun ársins – Borg og Bær“ í fimmta sinn. Stærsti hópur félagsmanna St.Rv. starfar hjá Reykjavíkurborg en auk þess starfa félagsmenn hjá fyrirtækjum Reykjavíkurborgar, Akraneskaupstað, Seltjarnarneskaupstað, ríki og fleirum.

Val á Stofnun ársins og Fyrirtæki ársins er samvinnuverkefni SFR stéttarfélags, VR. og St.Rv. auk fjármálaráðuneytisinsins sem tekur þátt í könnuninni fyrir alla ríkisstarfsmenn.

Könnunin er stærsta reglulega vinnumarkaðskönnun sem framkvæmd er hér á landi og gefur mikilvægar upplýsingar um stöðu starfsmanna  á vinnumarkaði. VR hefur útnefnt Fyrirtæki ársins síðastliðin 20 ár og SFR hefur staðið fyrir vali á Stofnun ársins síðastliðin 10 ár. Með því að taka þátt í þessu samvinnuverkefni þá gefst St.Rv. tækifæri til að bera saman viðhorf félagsmanna sinna og félagsmanna VR og SFR.

Samanburð á einkunnagjöf milli félaga má finna hér

Af hverju Stofnun ársins - Borg og bær?

Könnun sem þessi gefur góða mynd af starfsumhverfi og starfsánægju starfsmanna stofnunar/fyrirtækis. Starfsmenn geta notað niðurstöðurnar til að meta eigin vinnustað í samanburði við aðrar stofnanir og fyrirtæki. Einnig er hér ekki síður tækifæri fyrir stjórnendur að gera sér grein fyrir stöðu starfsmannamála í stofnuninni og hvar þeir standa í samanburði við aðra. Það er mikilvægt að stjórnendur taki niðurstöðunum með jákvæðu hugarfari og horfi fyrst og fremst á þessa úttekt sem mikilvægt skref til að hlúa að því sem vel er gert og bæta og breyta því sem betur má fara í starfinu.

Í könnun St.Rv. á Stofnun ársins - Borg og bær er leitað eftir viðhorfi félagsmanna til vinnu sinnar og yfirmanna, líðan þeirra í starfi, starfsumhverfi, tækjabúnað og hvernig samskiptum er háttað á vinnustaðnum. 42 stofnanir komust á lista í ár, heldur færri en undanfarin ár. 

stofnun_arsins2016.jpg

Stórar stofnanir – með 50 starfsmenn eða fleiri

1. sæti – Frístundamiðstöðin Kampur

Einkunn: 4,42

Félagsmiðstöðin Kampur hefur starfað frá árinu 2007 og býður hún upp á frístundaiðju fyrir íbúa Miðborgar og Hlíða.  Megináherslan er lögð á barna- og unglingastarf. Þetta er í fyrsta skipti sem Kampur er valinn stofnun ársins.

fyrirmynd2016.jpg

2. sæti –Frístundamiðstöðin Frostaskjól

Einkunn: 4,41

Frístundamiðstöðin Frostaskjól býður börnum og unglingum í Vesturbæ upp á fjölbreytt félags- og tómstundastarf.  Þrátt fyrir hækkun í einkunn milli ára varð Frostaskjól að gefa eftir efsta sætið til Kamps. Reykjavíkurborg hyggst sameina þessar frístundamiðstöðvar á þessu ári.

fyrirmynd2016.jpg

3. sæti - Norðlingaskóli

Einkunn: 4,30

Norðlingaskóli hóf göngu sína í ágúst 2005. Hann er staðsettur í Norðlingaholti í Reykjavík og eru nemendur u.þ.b. 500. Skólinn lenti einnig í þriðja sæti 2015.


Minni stofnanir – með allt að 49 starfsmönnum

stofnun_arsins2016.jpg

1. sæti – Skrifstofa Íþrótta- og tómstundasviðs Reykjavíkur

Einkunn: 4,90

Á aðalskrifstofu eru fagskrifstofur fjármála, íþróttamála, mannauðsmála og upplýsingatæknimála og bera þær ábyrgð á rekstri og stjórnsýslu sviðsins og þeim stofnunum sem undir það heyra. Þetta er í fyrsta skipti sem Skrifsofa ÍTR hlýtur þessa nafnbót.


fyrirmynd2016.jpg

2. sæti - Leikskólinn Vallarsel

Einkunn: 4.70

Vallarsel er elsti starfandi leikskólinn á Akranesi starfssemi hans hófst árið 1979. Leikskólinn hefur verið í efstu sætum í stofnun ársins frá upphafi þátttöku.


fyrirmynd2016.jpg

3. sæti - Fossvogsskóli

Einkunn: 4.52

Skólaárið 1971-1972 var fyrsta starfsár Fossvogsskóla en skólinn var settur 9. október 1971. Skólinn lenti einnig í þriðja sæti 2015.


Hástökkvari - hækkar sig mest milli ára

hastokkvari2016.jpg

Skrifstofa Íþrótta- og tómstundasviðs Reykjavíkur


Töflur með niðurstöðum:

Niðurstöður úr launakönnunar hluta verða kynntar í september.